اكتب مواصفات اللى بتحبة

بسم الله الرحمن الرحيم

اليكم هذة اللعبة وفيها الفائدة الكبيرة وهى ان كل عضو سوف يقوم بوضع المواصفات التى فى الشخص اللى بيحبة وايضاً سوف يقوم بوضع مواصفاتة هو شخصياً ولو ما فيش احراج ممكن يعرفنا اسم اللى بيجبة او ممكن يلمح تلميح بسيط عاوزين نشوف مين اللى هايبدأ .

نظامها اولاً تكتب مواصفاتك انت :-

الاسم والسن والهوايات والمدينة واية نوعية الحاجات اللى بتحب تسمعها( اغانى \ قرأن ) اية نوعية الافلام اللى بتحبها الامنية بتتضايق من اية


ثانياً تكتب مواصفات اللى بتحبة او اللى تتمناه:-

السن الاخلاق المرح والفكاهة التعليم الجمال التدين


ومين عارف لعل وعسى ان حد ممكن يلاقى شريكة حياتة من هنا

انا هابدأ الاول بالنسبة لمواصفاتى الاسم عبدالله يحي كامل السن21 سنة كلية تجارة جامعة بنى سويف الهوايات كرة القدم الامنية الاقى شريكة حياتى اللى بتمناها بحب اسمع قرأن وبالذات الشيخ عبدالباسط عبدالصمد وكنت بسمع اغانى لعبدالحليم حافظ وبالذات قارئة الفانجان بحب الافلام الاكشنالحاجات اللى ممكن تضايقنى ان حد يعلى صوتة عليا او يحرجنى.
...........................................................................................................................
بالنسبة لمواصفات اللى بأتمناها تكون جميلة جداً متدينة ويا ريت تكون حافظة القرأن ومؤمنة بالقضاء والقدر متعلمة ويا ريت على نفس مستواى التعليمى تكون فى نفس سنى او ممكن اقل سنة او اتنين مش اكتر واحب انها تكون مرحة تحب الفكاهة ويا ريت الاقيها ودة كان مثال على نظام المسابقة.

والله يا عبد الله موضوع ممتاز جدا وادعو كل الاعضاء للمشاركه فيه وانا هبدا الان اعرض اجابتى

مواصفاتى \ الاسم احمد محمود محمد السن 17 بدرس خدمه اجتماعيه الهوايات كره القدم وقرائه القصص وصفات اخرى واحب اسمع الاغانى صابر الرباعى وتامر حسنى وعمرودياب وتامر عاشور والكثير منهم وضيف اصاله والقران الشيخ محمد جبريل والعجمى والى يضايقنى الخيانه

اما عن مواصفات الى بتمناها اول شى تكون متدينه وطبعا تقدر الحياه الزوجيه ومخلصه وتكون رومانسيه ومرحه

الف شكر ليك يا حمادة وربنا يكرمك وتلاقى اللى بتتمناها

اولا بشكرك يا عبد الله علي موضوعك الجميل دا
الاسم/ هبه عادل الخولي السن 20 سنه انا طالبه بالفرقه الرابعه بكليه التربيه عام بطنطا
هوايتي النت والتليفزيون بحب اسمع قران واغاني وكل حاجه بسمع للعجمي والشاطري
والاغاني تامر عاشور نجاه ورده ام كلثوم سميه وللكل بصراحه
مواصفات الانسان اللي بحبه اولا يكون طويل عني يكون بيحترمني وبيحبني يكون شخصيته قويه جدا ويكون علي خلق ومتدين وحنين ويحتويني ودايما الاقيه جمبي لما احتاجله ويكون رومانسي لاني رومانسيه جدا
وان شاء الله انا هديله عنيه

تسلم عنيكى يا هبة وربنا يوفقك وتلاقى الشخص اللى يستاهلك ويحبك ويقدرك بجد

ربنا يخليك يا عبد الله
ميرسي ليك