الوصاياالعشر لكل فتاة مخطوبة

الوصايا العشره لكل فتاه مخطوبه





انستى العزيزة لو ربنا فك عقدتك ...... واتخطبتى ...... فاليك نصائحى حتى تأخذى بخطيبك من مركب الخطوبة اللى محدش عارف هترسى على اية الى مثواااااة الاخير فى قفص النسانيس .. قصدى قفص الزوجية السعيد



اجمل ما فى الخطوبة العزومات الرومانسية ...... على احلى محلات اكل فى البلد ..... واللى عمرك ما انتى شايفاها بعد الجواز ... المهم نصائحى لك عند اة عزومة مع خطيبك ..... لا ختيبك ... قلنا رقة



1-




الاول لازم تعرفى ان الشوكة والسكينة بيتمسكوا من ايديهم من الطرف مش من الوسط




2-



العيش اوعى تفضحينا وتقطعية بسنانك .... ولا الرغيف نصين بأيدك وكل نص لقمة وتحشرى .... اوعى .... العيش بيتقطع بالسكينة فى الطبق .... وبعدين تاخدى لقمة ... لقمة ... بالعافية ... قال يعنى نفسك مسدودة ... اضغطى على اعصابك جداااااااا وبعدين لما تروحى .... ابقى حفى زى ما انتى عايزة




3-




الشوربة ... ابوس رجلك ... بند الشوربة مهم جداااااا ... الشوربة تتشرب من غير صوت خالص ... ومن غير ما تقعدى تنفخى فيها ... زى القهوجى اللى بينفخ فى الحجر للزبون ..... وطبعااااا تنسى تماما .... السلطانية اللى بتحطيها على بقك فى البيت ... وتدلدقى على روحك ... بالمعلقة وبدون صوت ...... سخنة ولعة برضة بدون صوت وتسيبى تلت الطبق على الاقل




4-




الرز طبعا .. بيتاكل بالشوكة .. اوعى ايدك تتمد على المعلقة .. وتغرفى من طبق الرز وتعبى اوعى ... الرز بالشوكة مش بالمعلقة وكأنك بتبوسية مش بتاكلية



5-




المكرونة ... الاسباجى ... برضة بالشوكة ... تتلف على طرف الشوكة ... لحد ما تخلص وبعدين تحطيها فى بقك من سكات ... مش تشفطى المكرونة عود عود ...




6-



السمك .. مشكلة .. شوفى .. بتفصلى اللحم عن الشوك .. ازاى .. ؟؟؟ تقطعى اللحم من النص ... بالطول وبعدين تفردى اللحم على الجانبين ولما تخلصى ناحية ما تقلبيش السمكة ... بلاش فلح ... شيلى السلسلة بالشوكة والسكينة وحطيها فى جنب الطبق وكملى اكل النص التانى ... وبدل الفيلم الهندى ... نصيحة ... ما تكليش سمك خااالص .. قولى مش بحبة وخلصى نفسك




7-




الجمبرى ... اذا كنتى عرفااة ... اول ما طبق الجمبرى ينزل ... بصيلة بقرف واحتقار ... ال يعنى زهقانة من كتر اكل الجمبرى الجامبو فى بيت بابا ... واتنهدى جامد وقولى ...
برضة ؟؟؟ وتروحى قاطعة راس الجمبرياية بالشوكة ... انا فى عرضك انسى المصمصة دلوقتى-



8_



البطاطس سواء مسلوقة او محمرة ... اوعى تهريسيها وتدبيها على الرز وتدى ...لا ... لا ... لا ... بالشوكة حتة حتة وانتى زى ما تكونى هتعيطى عشان البطاطس صعبانة عليكى



9-




الفاكهة ... لو فى فاكهة ببذر .. طلعية من بقك براحة وحتطية فى ايدك وهى مقفولة ... وبعدين فى طفاية السجاير اللى على الترابيزة ...



10-




ولما تخلصى اكل حطى ايدك على بطنك ... اللى عصافرها بتصوصو من العينات اللى كلتيها ... وتقولى لة مش ممكن ... انا اول مرة اتفجع بالطريقة دى ... انا قدامى اسبوع هبطل اكل فية ...
وبعدين تمسكى الفوطة اللى موجودة على التربيزة من غير لازمة ... وتبوسيها .. أل يعنى بتمسحى بقك .. وبعدين تستأذنى منة لدخول التواليت لتصليح الميكب ..
وتخشى التواليت تطلعى لفة الفول والطعمية اللى جيباها معاكى .......

هههههههههه ما فى حل احسن انى كل ما يدعوها ترفض اسهل او تقول له انا مش جعانه

ههههههههههه مش تقول مش جعانه تقولهم متوضية احسن!!!!!
بس بصراحة جاااااااااااامدهههههههههههه

هههههههههههههههههههههه


ماشي ياعم خالو

الظاهر ان الجماعة عجبتهم الوصايا وناويين يجربوا


ربنا معاك ياكيمووووووووووووووووووووووو

متشكر ليكم حبيبى والله الموفق
والف شكر لمرورك اختى غنوة

مش كل البنات اللى بتتعزم فى مطاعم مع خطيبهابتاكل بطريقة بيئة

يا جماعه سالى بتقول بتعرف تتعامل خلاص احنا ممكن نعمل عزومه لكل اعضاء المنتدى ونشوف كل واحد بياكل ازاى والى انا واثق منه كله هيعتذر هههههههههههه

ههههههههههههههههههههه