اسئله محرجه شويه من مستعد ها.................

اليكم الاسئله لنرى من البطل

ماهي نقطة ضعفك؟؟

هل تمنيت الموت يومآ ومتى؟؟

ماهو الشيء الذي يطاردك في كل مكان وانت تهرب منه؟؟

ماهي مشكلة العصر في نظرك؟؟

ماهي اصعب كلمة ممكن ان تقولها لأي شخص؟؟

هل تؤيد(تؤيدي) علاقةالرجل بالمرأة في حدودالمنتديات؟؟

هل اسمك المستعار قريب من شخصيتك؟؟

متى تكذب؟؟

ماذا تفعل لو قال شخص اني اكرهك؟؟ وهل حدثت معك ؟؟

لو انت مخير ان يكسر احد الأمرين (كرامتك)او (قلبك) ماذا تختار؟؟ ولماذا ؟؟

هل تغفر لمن كذب عليك؟؟متى نعم؟ ومتى لا

انت قوي-( من الشخص الذي تضعف امامة)؟؟

ماهو شعارك في الحياة؟؟

ماذا علمتك الحياة؟؟

ما هو أكثر شيء تخاف / تخافي انك تصارحي بيه الناس؟

ماذا لو قال لكى او قلتى له بحبك ماذا تفعل فى هذه اللحظه

كيف تتاكد من الى بيحبك او الى بيحبك

هل انت او انتى تحبى بلدك ام لا

هل انت او انتى تحبى حد فى المنتدى حب للزواج

من هو اكثر عضو تحبه فى المنتدى

كفايه كده ان شاء فى بقيه بس نجاوب على مجموعه الاسئله دى الان منتظر الجوابات

ممكن ابدا انا بالاجابه عشان الباقى يتشجع لعل وعسى الموضوع يشتعل
اولا احب اقول ان احمد طلب الاجابة بمنتهى الصراحه عشان كده انا
هكون حريص اوى فنى اقول كل الصراحه لان فى حاجات المفروض
انى احتفظ بيها لنفسى لان الاسئله فى محرج اوى
ولكن كلنا اخوات ومفيش مشاكل لما اكون انا اول تضحيه

1-نقطه ضعفى بجد سماع القران بصوت العجمى وقتها اطلب منى اى طلب مقدرش ارفضه
بتعب جدا من صوت العجمى فى القراءه وبحبه جدا اتعقد مفيش شئ تانى بيضعفنى

2-نعم تمنيت الموت مرة يوم وفاة والدتى وكنت جلست شهرين فى شغلى فى مصر
ولم اراها قبل موتها ولابعد وفاتها رفض ابى انى اكشف وجهها اتصلوا بيا لاحضر الجنازة

3-بصراحه هى بنت معايا فى الكليه بتقول انها معجبه بيا وباشعارى
بس انا بصراحه مش عايز اظلمها ودايما بحاول الهروب من نظراتها

4-مشكله العصر فى نظرى هى الزواج يعنى طلبات الاهل والشاب لسه فى اول طريق
بيطلبو طلبات تقسم ظهره ودا مش صحيح فى الدين وكان نتيجه لذلك
كترت العلاقات المحرمه والانحراف

5-اصعب كلمه ممكن اقولها لشخص انى خبر وفاة حد عزيز عليه

6-انا شايف انها علاقه عاديه جدا طالما انها فى حدود الادب

7-انا بحب اسم كيمو اوى على فكرة وهو بيدل على شخصيتى
انى ممكن اكون اجتمااااااااااااااعى اوى وبحب الناس

8-هو عموما الكذب مواقفه معايا تكاد لاتذكر لانى متربى على الصدق فى اى وقت
وانا اكتر حاجه بكرهها فى حياتى هى الكدب
لكن لو اتنين متخاصمين ممكن اكذب لو هاصلح بينهم

9-لو قالى اكرهك مش عارف ممكن اكرهه فى ساعتها او اقوله بس انا بحبك
حسب الموقف والشخص اللى بيقولها لكن اعتقد انه لو موقف عام
هيبقى ردى ان انا كمان بكرهك

10-اكيد هختار كرامتى لانى لو اخترت قلبى من غير كرامتى يبقى ملهوش لازه
الحب من غير الكرامه انما اختار كرامتى والحب يجى بعدين

11-اكيد هغفر اذا كان الله بيغفر الذنوب جميعا دون ان يشرك بيه
يبقى انا العبد اللى مليش لازمه مش هغفر بس ممكن اثر الموقف
يفضل جوايا لكن هنساه لو كان يستحق فيه الكذب

12-اه انا شخصيه قويه جدا على فكرة وتقريبا مش بحب الضعف
بس دايما اضعف امام والدى لانى بحبه جدا وبحترمه
ومعتدقتش انى ممكن اضعف قدام حبيبتى مرة او انا بسميها مسمى اخر
الرومانسيه او الجنتله

13-شعارى فى الحياة انى اسس بيت واسرة سعيده واعيش مبسوط
ودائما شعار الاخرة مرفوع اى عمل يقربنى الى الجنه انشاء الله

14-علمتنى كتير مثلا انى احب كل الناس ومكرهش حد علمتنى ان
الرجوله لا تباع وتشترى والرجاله بتظهر فى الشده علمتنى ان الحب ضرورى جدا
فى الدنيا اللى كلها دلوقتى غش ونفاق وعلمتنى ان الصاحب الجد مش بيتعوض ابدا

15-طول مانت مش بتغلط يبقى اكيد مش هتخاف انك تقول لحد اى حاجه

16-اكيد مش هرد وقتها وهطلب انى اخد وقتى حتى اتاكد من هذا الحب
ثم احدد ان كنت ابادلها نفس الشعور او لا ثم ارفض او اقبل

17-هو بيقى احساس تقريبا مفيش حاجه ماديه تثبت صدق الحب
لان دلوقتى اى حد ممكن يمثل بسهوله انه بيخاف عليا او دايما يسال عليا

18-اكيد طبعا بحب بلدى كفايه انى بنام وانا مطمن فيها وبالى مرتاح

19-بصراحه سؤال محرج جدا ايا كانت اجابته بس عموما انا لو بحب حد فى المنتدى
للزواج اكيد هتكون بنت منعا لاحراجها اكيد مش هجاوب كلهم زى العسل ومؤدبات
ربنا يكملهم بعقلهم ويهديهم

20-كل الاعضااااااااااااااااااااااااااااااااااااء اكيد بس طبعا العشره متهونش عليا
يا محمد يا قاسم يا غالى عليا بحبك

بحب اشكر احمد اوووووووووووووووى على المواجهه العظيمه بالنفس
لانك ممكن تكون ورتينى حاجات مكنت واخد بالى منها فى نفسى
واسف لو كنت طولت عليكم وانا بجد جاوبت بمنتهى الصدق والصراحه

بصراحه يا كيمو يسعدنى جدا انك كنت اول بطل يرد على هذه الاسئله بكل صراحه وهذا يدل على ثباتك الانفعالى وتعاونك معنا واعتقد انى الدور جاء عليه الان نبدا الاجابه
السوال الاول \ نقطه ضعفى هى حب انسان غزيز عليه لا استطيع ارفض اليه طلب
السوال الثانى \ لم اتمنى الموت ابدا ولن اتمناه مهما كانت الظروف لانى اعرف معنى الحياه
السوال الثالث \ الشى الذى يطاردنى هم اثنين سوء الحظ ووسوسه الشيطان
السوال الرابع \ طبعا المشكلات لا حصر لها ولكن مشكله العصر الخضوع للاقوى وسيطره الماديات على المشاعر والاخلاقيات
السوال الخامس \ اصعب كلمه اقلها لشخص انى احبك وهو لا يحبنى
السوال السادس \ والله من ناحيه العلاقات بدام فى حدود الادب خلاص واكبر دليل انا علاقتى باعضاء المنتدى ليس فى حدود المنتدى فقط
السوال السابع \ نعم فعلا انا محتاج لحب الناس
السوال الثامن \ انا اكره الكذب ولكن احيانا بغير قصد
السوال التاسع \ هختار كرامتى اما عن القلب فحدث ولا حرج ياما كسر
السوال العاشر \ طبعا هغفر له الله غفور رحيم
السوال الحادى عشر \ الشخص الذى اضعف امامه الحب الصادق من اى شخص
السوال الثانى عشر \ اعتقد شعارى واضح على الصفحه الرئيسيه للمنتدى
السوال الثالث عشر\ الحياه علمتنى الكثير ان افضل شى فى الحياه ان تحافظ على من يحبك ولا تجعل الماديات هى اساسك وساعد اخيك الانسان دائما فى السراء والضراء
السوال الرابع عشر \ اكثر شى اخاف اصرح به هو حب انسان يكرهك وقول المصائب
السوال الخامس عشر\ فى هذه اللحظه هكون اسعد انسان فى الدنيا وهحاول اعمل اى شى من اجل اسعادها
السوال السادس عشر \ اتاكد عن طريق الصدق من خلالها فى مشاعرها وغير ذلك كل انسان له طريقه يتاكد بها
السوال السابع عشر \ طبعا نعشق البلد ولكن نريد ان نخلص من المفسدين
السوال الثامن عشر\ والله السوال ده اقول الله اعلم فى المستقبل ممكن ايه الى يحدث حسب القدر
السوال التاسع عشر \ انا بصراحه احب كل اعضاء المنتدى لكن اقدر واحترم جدا واراها قدوه المشرفه غنوه
واخيرا اتمنى ان اكون جاوبت بكل صدق وانتظر اجابات بقيت الاعضاء

احب اوضح لحمد حاجه السوال الاول ديت مش نقطة ضعف بلعكس ديت صفه وصفه كويسه

السؤال الاول:نقطه ضعفى انى اشوف اى انسان يبكى قدامى سواء كنت اعرفه او لا
السؤال الثانى:انا بصراحه اتمنيته فى يوم من الايام
السؤال الثالث:الشى الذى يطاردنى هو الفشل
السؤال الرابع:مشكله العصر ان المجتمع كله مش ايد واحده ومحدش بيحس بحد
السؤال الخامس:اصعب كلمه هى كلمه الوداع
السوال لسادس:طبعا لو باحترام يبقى مفيش مشاكل
السؤال السابع:انا بحب اسم سالى اوى
السؤال الثامن :ممكن اكذب فى حاله واحده لو هنقذ مشكله خطيرة مينفعش فيها غير انى لازم اكذب
السؤال التاسع:لو حد قالى كدا عادى مفيش مشاكل مش هكلمه تانى لو هو عايز بس انا عن نفسى مش هزعل \ عمرها محصلت معايا
السؤال العاشر:هختار قلبى بس كرامتى لا طبعا عشان غاليه عندى اوى
السؤال الحادى عشر: هغفره فى الحالتين لو جيها وعترفلى انه كذب عليا
السؤال الثانى عشر:اه انا قويه وبضعف امام ربنا ووالدتى
السؤال الثالث عشر: انى افرح لفرح الناس حتى لو حزينه
السؤال الرابع عشر:علمتنى انى مزعلش على حاجه راحت منى
السؤال الخامس عشر:انا مبخفش من الناس
السؤال السادس عشر:ساعتها يبقى يحلها ربنا
السؤال السابع عشر:من خلال كلامه او نظراته
السؤال الثامن عشر:انا بحبها جدااااااااااااااااااااا
السؤال التاسع عشر:كلهم اخواتى
السؤال العاشر:طبعا بحب كل الاعضاء
واخيرا انا بحب اشكر احمد على الاسئله دى وانا حسيت انى فى امتحان مع نفسى بجد

السوال الاول: انا اكتر حاجة بتاثر فيا هي سماع الدعاء والقراءن من الشيخ محمد جبريل ولما حد يطلب مني طلب ومقدرش انفذه في الوقت ده بحس اني ضعيفة اوي

السؤال الثاني: بصراحة انا عمري متمنيت اني اموت لاني مؤمنة بالقضاء والقدر كويس فمهما حصل لا اتمناه

السؤال الثالث: مشعرفة

السؤال الرابع: قلة الدين وهذا اساس كل المشكلات

السؤال الخامس: اني اقول لحد اي عيوب فيه لاني بحس اني بكده بحطمه

السؤال السادس: في حدود المنتديات وان كل شخص يقول رايه في الموضوعات ونتبادل الاراء لا مانع فيها لكن في الحياة العامة امانع

السؤال السابع: هو اسمي قريب شوية من شخصيتي يعني بحس اننا هدية ورقيقة شوية يعني كتكوتة

السؤال السابع: انا سعات بكذب في المواقف المحرجة ولما اكون اصلح علاقة بين اثنين

السؤال الثامن:بصراحة معرفش علشان محصلتش معايا بس اعتقد اني هتجرح اوي

السؤال التاسع: اختار كرامتي قبل كل شيء لان الانسان بدون كرامة بدون شخصية

السؤال العاشر: اه طبعا اغفرله

السؤال الحادي عشر: انا قوية /ربنا/

السؤال الثاني عشر: شعاري هو اني اعمل صالح حتي ادخل الجنة

السؤال الثالث عشر: علمتني كل شىء حلو لاني لا اتعلم منها الا الصالح

السؤال الرابع عشر: اني اقول للناس عيوبهم

السؤال الخامس عشر: لا تعليق

السؤال السادس عشر:لا نعليق

السؤال السابع عشر: اه طبعا لانها بلدي وبشوف فيها كل حاجة حلوة

السؤال الثامن عشر: لا طبعا كلهم اخواتي

السؤال التاسع عشر:انا بحب العضوة غرام اوي ونفسي اشوفها اوي في الحقيقة

وشكرا اوي يا احمد علي الاسئلة الجميلة دي

شكرا ليك ياحمد على الاسءلة الحلوة ده
بالنسبة للاجابة بقه
**************************************
1/ نقطة ضعفي ان حد يظلمني او اني اشوف حد بينظلم قدامي وانا منش قادر اساعده
2/لم اتمنى الموت ابدا ولن اتمناه مادمت حيا
3/الشيئ الذي يطاردني دائما سوء الحظ
4/مشكلة العصر في نظري هي الخيانة بكافة صورها
5/أصعب كلمة ممكن اقولها لحد ((بكرهك))
6/العلاقة بين الولد والبنت في المنتديات من وجهة نظري شيء كويس طالما لا يسبب اي مشاكل للاتنين
7/انا حاسس ان اسمي فيه شوية من شخصيتي عشان بحب اكون بطل في الحياة اقدر اعيش واتعايش مع اللي حواليا واقدر احل كل المشكلات اللي بتواجهني بكده اكون بطل
8/اكتر شيئ بكرهه في حياتي الكذب حتى لو كانت السكينة فوق رقبتي.بس في مواقف بيكون فيها الكذب مش حرام زي المصالحة بين اتنين
9/واله ده بيعتمد على الموقف اللي هيقولهالي فيه .ممكن ازعل منه ممكن يعني اضربه هههههه
بس ممكن اسامحه في الاخر بس بصراحه محدش قالهالي.
10/ممكن قلبي لان الانسان من غير كرامه ميسواش بصله
11/لا اغفر له لو تعمد بذلك انه ياذيني او يجرح مشاعري..اسامحه لو عمل كده عشان مصلحتي بس في الحالتين هكون زعلان منه شوية برده
12/انا قوي بس بضعف لما اكون بين ايدين ربنا بس مش حد تاني
13/شعاري في الحياة احب للناس ماتحب لنفسك وعامل الناس بما تحب ان يعاملوك به وكمان
14/علمتني الحياة الصبر وعدم الحكم على الناس من خلال شخص واحد وعلمتني الاستفاده من اخطاء الماضي
15/اكتر شيء اخاف اني اصارح بيه الناس همومي واحزاني ومشاكلي
16/ ده بيتوقف على اللحظة اللي هكون فيها عشان كده مقدرش اجاوب دلوقت
17/لو بتحبني يبقى هتخاف عليا ومش هتعمل حاجة تزعلني وهتحبني هيا كمان
18/انا بحب بلدي وبعشقها وكطفاية اني من ام الدنيا .كفاية اني بنام كل يوم وانا آمن ومطمن
19/كلهم أصدقاءي وانا سعيد اني اتعرفت عليهم .
20/بصراحة في المنتدى ده حسيت اني لقيت ناس كان نفسي اعرفهم من زمان عان كده بحبهم كلهم وكلهم اخواتي بس كيمووووووووو طبعا ده مقدرش اتكلم عنه ده اخويا ونصي التاني
بحبك اوي يااااااااااااااد
******************************************************************

ميرسى ياحمد على الاسئله الجامده دى وادى اجاباتى

1-نقطه ضعفى طيبتى لأنها بتسببلى مشاكل كتير
2- اه لما احس ان مش ف حد فاهمنى وطبعا ده كتير
3- الشك
4- البعد عن الدين
5-منك لله او حسبى الله ونعم الوكيل
6- اه ف حدود الاحترام
7- اه
8- عندما اكون على حق وااللى اماى مش مصدقنى
9- اقول له انى اعامل السىيئه بالحسنى وعمرها ماحصلت ليا
10-قلبى
11- نعم ف كل الاحوال لأنى بطبعى مسامحه
12- حبيبى
13-الحب
14- عدم الثقه ف اى حد مهما كان
15-اللى جوايا
16-هبص ف عينه عشان اتاكد انها من جواه ولا لأ
17-ابص ف عنيه
18- اه
19-لأ
20-انا لسه دخله جديد بس اكيد كلهم

بسم الله الرحمن الرحيم


ماهي نقطة ضعفك؟صر احتى

هل تمنيت الموت يومآ ومتى؟ اتمنيت الموت مرة واحدة من سنتين

ماهو الشيء الذي يطاردك في كل مكان وانت تهرب منه؟السوال داة مش لقيلو اجا بة

ماهي مشكلة العصر في نظرك؟ الحروب

ماهي اصعب كلمة ممكن ان تقولها لأي شخص؟ انى مش بحبو

هل تؤيد(تؤيدي) علاقةالرجل بالمرأة في حدودالمنتديات؟نعم

هل اسمك المستعار قريب من شخصيتك؟؟جدااااااااااااااااااااااااااااااااا

متى تكذب؟؟لم اكذب تحت اى ظرف من الظروف

ماذا تفعل لو قال شخص اني اكرهك؟؟ وهل حدثت معك ؟؟ولا حا جة ؟لم تحصل معى ابداااا

لو انت مخير ان يكسر احد الأمرين (كرامتك)او (قلبك) ماذا تختار؟؟ ولماذا ؟؟ قلبى

هل تغفر لمن كذب عليك؟؟متى نعم؟ ومتى لا اغفر لية اذا اعترف بكذبو ام اذا انا اكتشفات الكذب داة لم اغفر لة ابدااااااااااا

انت قوي-( من الشخص الذي تضعف امامة)؟؟ والدى

ماهو شعارك في الحياة؟؟زفت

ماذا علمتك الحياة؟؟ كل شى

ما هو أكثر شيء تخاف / تخافي انك تصارحي بيه الناس؟ انى احب

ماذا لو قال لكى او قلتى له بحبك ماذا تفعل فى هذه اللحظه ما اقدرش اقو لها

كيف تتاكد من الى بيحبك او الى بيحبك بشعورو تجا هى

هل انت او انتى تحبى بلدك ام لا طبعا بحب بلدى

هل انت او انتى تحبى حد فى المنتدى حب للزواج ؟ لا كلهم اخو اتى

من هو اكثر عضو تحبه فى المنتدى كلهم بس علاء حبيبى وصديق عمرى

نقطه ضعفي؟ الحنيه
نعم تمنيت الموت عده مرات عندما تحدث مشاكل في بيتنا
الشيئ الذي يطاردني هو الوحده
مشكله العصر هي الغلاء
اصعب كلمه ممكن اقولها هي اني ادعي علي حد
اكيد تؤيد ولكن بحدود
اسمي المستعار يشبه شخصيتي بس اللي كلموني يحكمو عليا
الكذب لاوجود له في حياتي الا عند مصالحه الاشخاص
محصلتش معايا ابدا الحمد لله
قلبي طبعا كرامتي لا والف لا
نعم اغفر بس في حالات
نعم اضعف امام نفسي احيانا وامام الله ووالدي
الناس قبل كل شيئ وعلي حساب نفسي كمان
علمتني كل شيئ
اكتر شيئ بخاف من مصارحته للناس هو دموعي
لا تعليق
من احساسي
انا بحب بلدي طبعا
لا كلنا اخوات
اخويا كيمو حبيب قلبي

(1)*نقطة ضعفى اودام اى شخص احس باحتياجه ليا

(2)*يااااااااااه كتير اوى يااحمد للاسف بس ربنا يغفرلى ويسامحنى ويجعل حظى فى الاخرة احسن من الدنيا

(3)*الشئ اللى بيطاردنى هو الظلم

(4)*مشكلة العصر فى نظرى هى الاحتياج وجبروت النفوذ والسلطة

(5)*اصعب كلمة هى انى ابلغ شخص خبر مش كويس ممكن ياثر عليه نفسيا

(6)*طالما فى حدود الادب والاحترام اايدها جدا لانها بتكون صداقة جميلة

(7)*انا كنت سجلت باسم غرام لان احمد اتعرف عليا بالاسم دا لكن دريم هو اسمى المستعار على الشات وهو قريب جدا من شخصيتى لانى باعيش كل امنياتى فى حلم

(*اكذب لما احس ان الصدق ممكن اخسر بيه شئ غالى عليا ومش هعرف اعوضه

(9)*يااااااااااااه انا ممكن امووووت لو اتقالت ليا . والحمد لله عمرى ماسمعتها

(10)*بصراحة اختيار صعب جداااااااا لانى مش حمل انكسار القلب لانى جربته والكرامة هى كيانى اذا انهارت انهار كيانى كله

(11)*اغفر الكذبة لو كانت بغرض الخوف وعدم جرح مشاعرى لكنى ارفضها ان كانت نوع من الاستهتار بيا وبعقليتى

(12)*اضعف جداااا امام من احبه

(13)*شعارى فى الحياه(العطاء . التسامح. الرضا .الاخلاص) وممكن نجمع كل المعانى دى فى كلمة واحده ونقول شعارى فى الحياة هو الحب

(14)*الحياة علمتنى حاجات كتيرة اوى منها (الخوف . الغدر . عدم الامان . واحيانا القسوة)

(15)*اخاف اصارح الناس بضعفى

(16)*دا يرجع لمشاعرى انا تجاهه ان كنت احبه احس انى ملكت الدنيا كلها واكون اسعد انسانة فى الوجوداما لو كنت مش ببادله نفس المشاعر احاول اوصله بطريقة ماتجرحهوش اننا اخوات او اصدقاء

(17)*اتأكد من حبه ليا باحساسى معاه باحتواؤه ليا

(18)*والله انا ممكن اقول باحب ارض بلدى يعنى موقعها على الخريطة لان للاسف فى ناس بتحاول تكرهنا فيها

(19)*بصراحة لا كلهم اخواتى واصحابى لكن ممكن افكر اوافق لو كيمووو اتقدم ليه وخصوصا ان الفرق فى السن حاجة ظؤننة يادوب 10 سنين بس هههههه

(20)*هو مش عضو واحد انا محتارة اختار مين لكن ممكن نقول بحب سالى وغنوة وكتكوتة حبيبة نورا وطبعا الغلباوى كيموو ومجنون الكورة مالدينى والبيج بوص احمد الجميل

شكرا على ذوقك وكلامك الجميل دا يا نورا

بس حددى الميعاد عشان اجى ونخلص الموضوع

بس اعملى حسابك هتصرفى عليا لحد ماخلص دراسه

بجد مرسي كتيييييييييييير لذوقك ودى شهادة اعتز بيها طول عمرى

ربنا يخليك كيمو انت اللى دايما كلامك اجمل......... وبعدين ايه اصرف عليك دا لاياعم انت كده داخل على طمع .. ربنا معاك يارب ويقويك وتكون دايما مصدر فرح لاسرتك.

مرسى اوى ليكى يانورا على كلامك الحلو ده وانا بجد عايزه اتكلم معاكى ياريت لو عندك ايميل ياريت تكتبى علشان اضيفك عندى لو معندكيش مانع

ميرسى ياسالى انتى الاحسن . طبعا دى امنيتى انى اكون معاكى ومع اصحابى فى المنتدى ميل على الاقل تكون فى فرصة اكبر نتكلم وده الميل بتاعى........THEFINE_GOLD