لماذا كلمه الفراق اسهل من كلمه الارتباط

--------------------------------------------------------------------------------
السلام عليكم ورحمه الله وبركاته
بسم الله والصلاه والسلام على رسول الله صلى الله عليه وسلم اما بعد فموضوعنا اليوم عن عدم تقديرنا الان لكلمه الحب والارتباط وهذا شائع كثيرا بيننا لننظر كم حالات الطلاق الان اصبحت اكثر من حالات الزواج وهذه كارثه وهذا اكبر دليل على تفوق الفراق عن الارتباط ولكن الكلام لا يفيد بشى المهم معرفه ما الاسباب التى ادت بنا الى ذلك فا نا بفضل الله بحثت ووجدت عده اسباب للفراق
1- الاعتماد الكلى على المصالح السريعه والماديات
2- الابتعاد عن الله وسنه الرسول صلى الله عليه وسلم
3- تبلد المشاعر بسبب عدم قدره الطرف الاخر عن العطاء
4- عدم محاوله التضحيه للشخص الذى نحبه
5- عدم الغفران للشخص الذى نحبه وذى ما نقول نمسك له السكين
6- عدم معرفه ما معنى الحب اساسا وقيمته الحقيقيه
7- اسباب اخرى اجتماعيه كالفقر والتفكك الاسرى فينتج الكراهيه فى نفس الشخص

واخيرا يا جماعه اريد منكم اسباب اخرى لماذا الفراق اسهل من الارتباط ويا جماعه والله الكلام ده فعلا بيجرحنى وخارج من القلب الى القلب ياريت نحس بيه ونحاول نحله

اشكرك جدا على موضوعك وفعلا بنعانى من الفراق فى الزمن هذا بسبب ضغوط الحياة التى نعيشها وعدم قدرة التعايش مع الصعوبات التى تواجهنا بس لازم يكون فى أمل فى بكرة اكيد

بسم الله
فى رأيى المتواضع.........
ان السبب الاول والاخير للفراق هو ان الحب الحقيقى لم يتم من البداية
لان الانسان اللى بيحب انسان يتمنى يعيش معاه تحت اى ظروف
يتمنى يفضل بجواره طول العمر وفى اى مكان فى الدنيا
لكن للاسف الشديد اننا دلوقتى فى زمن تقضية الوقت كله بيضحك على كله
صعب نجد قصة حب واخلاص حقيقى ينتهى الى عش الزوجية
المعظم يفضل الحياة المحرمة على شرع الله وهو الزواج
بمعنى اخر واوضح(الشاب يقولك وانا اوجع دماغى ليه واشيل الهم بدرى مانا هوه عايش حياتى
بالطول والعرض وميه ميه) ودا بردة من الظروف الصعبة جدا اللى الشباب بيواجهها دلوقتى
سواء من فرص العمل اللى انعدمت تماما او بلاش نضحك على نفسنا( الشاب عايز اهم حاجه دلوقتى يسقط البنطلون ويلبس سلسلة وحظاظه ويشيل موبايل ويرسم شعره وحواجبه) والله يعلم بحالة وحال اهله...........!
اما البنات الفاضلات ولا فى دماغهن (بتكون ساعات كتير( ماشية ) مع اكتر من عشرين شاب فى وقت واحد) وعادى تقولك اضمن حقى فى زوج بجد راجل ويشيل مسؤلية
بصراحه ممكن يكون حقها ولكن فين التربية والاصل
ما علينا نحاول نصلح من نفسنا الاول ونخلينا احنا الصح بعون الله
اسف لاستخدامى الفاظ عامة شوية بس دا لتسهيل الامور,,,,,,,,,,,,
شكرااااااااااااااااااااااااااااااا

كيمو بشكرك على رأيك

اولا اشكرك يااحمد على موضوعك لانه فعلا انتشر اوى واصبح سمة العصر اللى احنا عايشينه للاسف . ونقدر نقول ان كل الاسباب اللى عرضتها يااحمد انت وغنوة وكيمو متجمعين هم السبب فى الفراق وممكن اضيف بخبرتى البسيطة سبب تانى وهو :- (الانا) بمعنى الانانية المفرطة فى التعامل بين الطرفين كل واحد عايز ياخد وبس ومش عنده اى استعداد بالعطاءولا معنويا ولا نفسيا ولا ماديا ولا حتى عاطفياوالاسلوب دا فى التعامل بيهدم العلاقة بينهم وزى مابنسمع الهدم اسهل بكتيرررررررررررررر من البناء .

ونرجع ونقول الارتباط والفراق نصيب بس ربنا بيسبب الاسباب

وفى مقولة سمعتها وعجبتنى اوى بتقول:-

( اذا اردت شيئا بشده فاترك له صراحه فان عاد اليك فهو ملك لك حتى النهاية وان لم يعد لك فهو ليس ملك لك من البداية ) ...

ربنا يجمعنا دايما على الخير ولا يفرقنا عن بعض ابدا .

موضوعك جميل يا احمد والردود كلها جميلة وناقشتو كل الجوانب المتعلقة بية لكن نسيتو الفراق من غير سبب بان يمل طرف من الاخر بدون سبب

شكرا يانورا على ردك
وبيرى ميرسى على المساهمة

انا في رايي ان سبب انتشار الفراق بين الناس ان كل واحد مبيضحيش من اجل الاخر كل واحد بيشوف نفسه الضحيه مفيش حد بيسامح مفيش حد بيسمع كل واحد بياخد القرار لوحده بدون اخذ راي الطرف الاخر بالرغم من ان الموضوع يخص الاتين معا الواحد بياخد قرار الفراق في لحظه غضب بكل سهوله بينما عند الارتباط يفكر الشخص منا الف مره بل مليون وبذلك نري ان نسبهالفراق اكتر بكتير من الارتباط