حــــــــــلقات تخا ريف حسيــــــــن

التخريفه الاولى..!؟؟

قال ايه


خير اللهم اجعله خير صحيت لاقيت الساعه سته صباحا ودا شىء مستحيل انى اصحى بدرى منغير ما حد يصحينى.....
ناديت على ماما مرديتش عليا قلت يبقى نزلت الشغل هى وبابا....
لبست هدومى واتكعورت على السلم الشارع فاضى كدا ليه ونضيف غريبه.....هو انا مش فى مصر ....
لسه بدور على ميكروباص لاقيت مركبه فضاء نزلت والراجل فتح الباب يقولى تحرير يا فندم.......
عينيا زغللت قلت يا بت يمكن دا التاكسى الهوائى ونزلوه ....ومتاح للشعب.....
لا يا اخ شكرا انا حركب من ابو نص جنيه
....ماله الميكروباص....!؟؟
واهو كل يوم حادثه بس بيوصل بسرعه.....؟؟؟؟
الراجل بص باستعجاب قالى يا فندم دا منغير فلوس وسيله مواصلات مدعمه..... مصدقتوش لحد ما حلف ....
صحيح ما بين ترفه عين وانتباهتها يغير الله من حال الى حال....تبات ميكروباص تصحى سفينه فضاء...
صحيح امال العربجيه راحوا فين دلوقت.....
وركبت .....
قلت اكيد حيشغل حاجه مش حيقعد ساكت طول السكه؟؟ ببص لاقيت شاشه اتفتحت نط منها مزيع وقعد قدامى يقولى تحبى اقرالك ايه فى النشره اختارى الاخبار .....
وقلت فى نفسى مستهزئه هيى يقرااللى يقراه انا عارفه كل الاخبار ومفيش جديد...؟؟؟
يا حلولى ايه دا تليفزيون متكلم .......
يعنى انا يا اخ لو قلتلك تقولى ايه اخبار مصر حتقولى.....؟؟؟
تحت امرك يا فندم.....
نقدم لكم نشره اخبار السابعه.....
الرئيس زعبوله يستقبل....
لالالالالالالالا استنى لو سمحت زعبولتك مين....
انت حتالف ..؟؟؟
انا برضوا قلت كدا انك بتهيس...
يا ستى الرئيس زعبوله حفيد حسبو....
ايه الراجل دا هو انا صحيت فى المريخ .....
يا ابنى معندناش غير واحد بس هو مبارك ....
قالى ياااااااه انتى لسه فاكره ....
دا مسك فى زحل انتى هنا على الارض.....
قلت يمكن بس من يوم وليله كدا....جايز اليوم بقى فيه بركه...
كمل يا سيدى...
الرئيس زعبوله يستقبل وفد زيزو الاقرع ويوافق على اعطائه الخامات اللازمه لبناء الجدار العازل فى دوله فلسطين حتى يحتجز اسرائيل خلفه.....عشان بصراحه الفلسطينيين بيتقرفوا.....
ههههههههه ..انت يا اخ مين زيزو الاقرع ....
يا ستى دا بتاع فلسطين امال عماله تقولى معلومات سياسيه ليه....
لا والله وبقيت اسمها دوله فلسطين....امبارح بس كانوا بيطالبوا بيها....
ايوه طبعا....دوله فلسطين
وفلسطين بتقرف من اسرائيل...
ايوه مبيستحموش ....!!؟؟
مش تقول كدا يا جدع افتكرتهم نضاف بزياده....!؟؟
بص انت مش نافع سياسه ادينى فى اخبار المجتمع....
من عينى....
محاكمه تيسون ابن زعبوله حفيد حسبو .....
لالالالالا استوب هنا بقى...دا انت ضربت خالص
انت مش لسه قايل ان زعبوله دا الرئيس بدل مبارك
ايوه وايه الغريب فى كدا
تيسون دا ابنه...!!؟؟
يا ستى ايوه
وبيتحاكم....!!
ايوه طبعا احنا فى بلد ديمقراطى....
ديمقراطك معاك يا خويا....كمل دا انت طلعت ضارب اكتر منى
محاكمه تيسون ابن زعبوله حفيد حسبو بتهمه تبديد اتنين برطوش من الخزانه العامه....
ايه برطوش دا ...!!!!
دى العمله يا بنت الناس انتى كنتى فى غيبوبه....
اه صح انا غبيه الرئيس يتشال بيغيروا العمله....
بس كدا انا معايا عملات قديمه ازاى اهلى نسوا يسيبولى فلوس من ابو برطوش..؟؟؟
والبرطوش دا يا اخ بدل الجنيه بتاع زمان
قالى لا بدل القرش !!!
قلتله وبيحاكمو تيسون على اتنين برطوش ايه العالم الزباله دى
امال عملوا ايه فى اللى فات قبل ما ينقلوه زحل..!!
الا قولى يا اخ هو زعبوله من المنوفيه برضو
قالى تقصدى الملوخيه...
اه هم قلبوها....
اه الملوخيه....ايوه يا ستى ....
لا والله بشاره يمكن انا على كدا امسك فى المسقبل وزاره ولا حاجه...!!؟؟
بتوع المنوفيه شرخوا وفتحوا على الرابع
يالله مسعدين؟؟
بص سيبك وادخل على التعليم
اففف غلبتينى ...
معلش بقى احنا اخوات استحملنى يا ابو نسب وبعدين كل اخبارك بايته اعملك ايه!!؟؟
قرر وزير التربيه والتعليم ادخال منهج الشاعر الجليل سعد الصغير فى المقررات وحذف ايهاب توفيق بناء على الخطه التطوريه للتعليم
يا خبر احوس امال احمد شوقى ورامى والبارودى بقوا تاريخ الفراعنه!!؟؟؟قلتها فى نفسى وقلت يا بت بلاش تطلعى غبيه قدام الراجل....وقلتله
شىء متوقع....عادى يعنى كمل
قولى احنا داخلين على ثانويه عامه....الامتحانات اخبارها ايه
ثاونيه ايه يا اخت
ما لغوها ....
يا راجل...
ايوه دلوقت اللى عاوز يدرس شىء بيدرسه.....حريه
على كدا الخلق كلهم دخلوا طب وصيدله وهندسه....
وانا برضوا اقول البلد اتطورت وسفن فضائيه وحركات هو العلم لما يزيد فى بلد بتتظبط..!!؟؟
طب مين دى تربيه رياضيه حاليا مش عارفين يودوا اللى فيها فين وافتتحوا عشرين كليه زياده..!؟؟؟
اه كلهم عاوزين يلعبوا كوره..... ما انا برضوا بقول امخاخهم لسه مصديه...
ادينى صحيح الرياضى....
فوز مصر بكاس العالم للمره المائه على التوالى....
انت حتهبلنى يا جدع انت مائه ايه هم لعبوا كام ماتش من ساعه امبارح....؟؟
ياله عادى شكلك حتطلع الكاميرا الخفيه....
قولى القاعده هددت تضرب اوروبا عشان الرسوم....
يااااااااه القاعده لا مهم غيروا وبقوا جماعه التوتى فروتى.....لدعم السلام العالمى...
امممم
طيب والسعوديه .....ايوه ميمى حفيد حفيد حيفد فيصل هو اللى ماسكها دلوقت....
رئيس السعوديه اسمه ميمى اكيد اشحال عندنا زعبوله اشمعنى دا
ياله يا ستى منتش نازله ولا ايه انتى مش نازله الزمالك..!؟؟
ايوه الكليه....على جنب يا اسطى تشكر...وابقى سك التليفزيون الخربان دا
وفجاه بصيت قدامى لاقيت يافطه كبيييييييييييره للاحتفال بعام 3008
من شده صدمتى ....وقعت من طولى....
قومى يا سومه انتى كنتى نايمه....ياله عشان تروحى الكليه
حاضر يا ماما
ههههههههه
حلم كنت بحلم....ولا يمكن علم ما انا مجنونه
اعوا تدقوا على كلام المجانين....
تحياتى ليكم تحيا تى حسين

هههههههههههههههههههههههههههههههههههه


والله العظيم جامده

ايه ياباشا الحلاوة ده

والله تنفع تتعمل حلقة لبرنامج تليفزيوني زي الكاميرا لخفية والجماعة دووول



لا بجد حاجة روعة
ربنا يخليك لينا

مير سى يا

heroooooooooooooo

مير سى جدااااااااااااااااااااااااااااااااا

ههههههههههههههههه
حلوة بجد
بس انت بتتكلم بصيغة البنت ليا ياحسين
ننتظر منك المزيد انشاء الله

بس الله الرحمن الرحيم

اية يا عم كيمووووووووووو اقرا المو ضوع كو يس وانت تعرف انا بتكلم بصيغة اية

سورى يا حسين
انا مخدش بالى انك كاتب محدش ياخد على كلام المجانين فى اخر الموضوع
بس عادى بقى احنا اخوات

بسم اللة الرحمن الرحيم
جااااااااااااااااااااااااااااااااااامدة اوى يا حسين واللة العظيم
انت فنان ودمك خفيف اوى ونتمنى المزيد

هههههههههههههههههههههههههههههه

والله انت زى العسل ياحسين

صحيح لففتنى حوالين نفسى مرتين مرة لانك بتتكلم على انك بنت ومرة لانك بتبعت اهداء لنفسك

بس بجد هايــــــــــــــــــــــــــــــــــــــل وربنا يستر ومايوصلش الموضوع دا لحد فى دماغى واحنا وانت


نروح ورا الشمس.ياريت تكتبلنا المزيد.

شكرا يا نورا على الرد وبا النسبة على انى بتكلم بصيغة بنت المو ضوع فيها شخصتين ولد وبنت والمو ضوع بداء بصيغة ولد وبعدين البنت كملت الحوار يعنى داة حوار مشترك وبا النسبةلمو ضوع الا هداء فا الا هداء داة الى كتبو اخوية عا دل لا نو مشترك معا فى المنتدى وشكرا يا نورا على الرد

بجد بجد تحفه يا حسين التخاريف دي
بجد روعه
شكرا ليك يا حسين