منتظرة بفارغ الصبر

انا بادخل المنتدى وكانى داخلة بلد الاحلام :كل مدينة فيها بيمثلها ركن من اركان المنتدى لكن بلد مافيهاش ناس نفسى ادخل الاقى حد يشاركنى الحوار اكلمه ويرد عليا ويكلمنى وارد عليه لانى باحس بوحده وانا فى المنتدى ولا هو دا الطبيعى فى اى منتدى واحساسى دا جهل منى بطبيعة المنتديات انا منتظرة بفارغ الصبر اقابل حد ولو صدفة .

يا سلام يا نوره دا انتى مناره المنتدى وانت لو لاحظتى هتلاقى بنرد على مواضيع كثيره وانا عملت حساب ذلك وفى فكره جديده هعملها قريبا لكى يتناقش جميع الاعضاء فى مواضيعهم
ولا تقلقى ابدا والله

خلاص يانورا اقوليلى انتى يتدخلى امتى على المنتدى وانا اكلمك بجد والله

المشكلة ياسالى انى ماليش مواعيد ثابتة بس غالبا بيكون بالليل متاخر دا انسب معاد ليا لكن دا مش معناه انى مش بادخل بالنهار انا اصعب وقت ليا صعب جدا انى ادخل فيه الا نادر هو من 4 العصر لغاية 12 بالليل هههههههه ياخبر ابيض انا توهتك ياحبيبتى معايا انا نفسى ماطلعتش من كلامى باى معلومة بس اهو حاولى تشبطى فى اى حاجة تفهميها بس امانة عليكى اللى تفهميه قوليهولى ههههههه باى ياقمر

هو بصراحة صعب جدا بس فعلا هحاول لانى بجد نفسى نتكلم سوى فى اقرب فرصة

بسم اللة الرحمن الرحيم

وانا كمان بدخل هنا بحس با الو حدة فى معظم الا وقا ت بس انا غا لبا بلا قى احمد مو جود واحمد طبعا زاى العسل كفا ية وجودى معا ية وانا فى المنتدى

طيب الحمد لله ان دا مش احساسى لوحدى انا بصراحة كنت متردده ومحرجة اقول احساسى دا تضحكو عليا وانا ياحمادة منتظرة فكرتك اللى وعدت بيها انك هتحاول تقربنا من بعض اكتر ونتجمع كلنا . ميرسى لاهتمامك بالرد عليا ربنا يخليك لينا يارب ويوفقك

على فكره انا والله اول مدخلت حسيت بكده ومكنتش بحب المنتديات علشان كده وكنت بحس بملل بس انا فضلت اسبوع بدخل على طول حتى من قبل مسجل بتفرج مش اكتر والحمد لله اتعرفت اى حد من الموجودين الحمد لله فاصبرى يانورا وعلى فكره انا اغلب الوقت ببقى موجوده فى اى وقت ونفسى اتعرف عليكى وعلى الكل ومعلهش بس علشان حاجه نرفزتنى من الزائر اللى بيصطاد فى الميه العكره دى ومصدق ان حد يقول عيب ويعلن عن منتداه ان مفهوش الاحساس بالوحده واقوله بطل نفسنه واهدى واركن على جمب

انا من رايى ان نعمل دردشه اى حد يدخل عليها واظن ان انت فاهمنىوكلكم فاهمينى
وانا منتظر الرد