ياللى قلبك بالجراح مليان.
اتكلم واحكى اوصل بقلبك لبر الأمان.
ليه تكابر وله تعافر ده الدنيا سفينه وانت فيها الربان.
ليه بتغرق فى احزانك وبتحاول تهرب من الحنان.
خلى الناس تسمعك وانت بتصرخ من الأحزان.
خليهم يشاركوك دمعتك مانت شريكهم من زمان.
بأيدك بتزرع الفرح فى قلبهم وانت قلبك عمره ماعرف للفرح عنوان.
ياطبيب الهوا بتداوى كل الجروح وانت جرحك مالوش دوا.
ليه تدارى الألم جواك ومن بره ضحكه والأسم فرحان.
ليه بتهرب منى ده انا فى الأصل برضه انسان .
انسان حابب يسمعك ويداوى جرح قلبك من الزمان .
حابب يشيل معاك همك مانت شايل من الهموم الوان .
هم فلان وهم علان وانت مين يشيل همومك ياغلبان.
عاوز تبعد ابعد بس فى الأخر هتجيلى مكسور ندمان .
هتجيلى وبحمولك عليا ترمى مانت مش هتلاقى غير
فى حضنى الأمان والحنان.
هتجيلى وبدمع عينك بتبكى بعد ما تتعب من الحرمان .
وساعتها هفتحلك قلبى واخدك واضمك واقولك بالأحضان .
وساعتها هسمعك يابن حوا و ادم هسمعك ده انا فى
الأول والأخر انسان .
انسان بيحبك ويتمنى يشوف قلبك دايما فرحان .
انسان بيعزك ويتمنى يوصل بقلبك لبر الأمان .
موضوع: انا فى الاصل انسان 
الجمعة أكتوبر 10, 2008 10:10 pm
