ماهى وزارة العاطلين

وشعار الوزاره (( قوم يا مصرى .. يالا يا حبيبى ))

وزاره العاطلين .. ويتولى مسئوليتاه الكابتن احمد شوبير بصفته اكثر واحد بيشتغل فى البلد

ويجمع بين وظائف كثيره (( مذيع للبرامج الفضائيه .. ومعلق كروى .. وكاتب فى اكثر من صحيفه ومجله ..وعضو فى اتحاد الكوره

ورجل اعمال وخبير كروى ..وخبير صفقات بيع اللاعبين وعضو مجلس الشعب (( واللى يحبنا ميضضربش نار ))

وسيقوم الكابتين احمد شوبير بنقل خبرته فى كيفيفه الجمع بين كل هذه الوظائف لأكثر من 10 ملايين واحد مش لاقيين نصف وظيفه .

وستقوم الوزاره بأنشاء تكيات على مستوى الجمهوريه كلها .. تكيه فى كل منطقه تستضيف العاطلين طوال اليوم

(( علشان يتقوا شرهم )) وتقدم لهم وجبتين زى بتوع السجن بالظبط , وستقيم لهم دورات كوتشينه (( استيماشن ))

ودومينو وطاوله وسيتم تدريبهم للعمل فى مناسبات معينه ..

فى موسم الانتخابات كبلطجيه وأوات على بعضها تاخدها الحكومه ..

ويتم اطلاقهم فى المظاهرات على اعداء البلد .. وتتم الاستعانه بهم فى ماتشات المنتخب كجمهور درجه تالته

وفى افتتاح المشروعات القوميه للمواطنين .. وفى زيارات المسئولين للمدن الجديده كسكان واقفين فى البلكونات بالصدفه

وفى تصوير جلسات مجلس الشعب تلفزيونيا عندما يتغيب الاعضاء ..

وفى افلام احمد السقا (( هيتضربوا )) .. وفى المسلسلات الدينيه هيعملوا أدوار الكفار .

وستقوم الحكومه بألغاء أسمائهم ومنح كل واحد رقم ورخصه (( عاطل تحت الطلب ))

يتم التجديد سنويا بمعرفه الكابتين شوبير

....................................................بسم الله الرحمن الرحيم..............................................
هههههههههههههههههه والله والله موضوع جاااااااااااااااااامد وبشكرك اوى اوى اوى ياسالى على اختياراتك للمواضيع ال دايما بتكونى موفقه فى اختياراتك......انا فعلا منبهر بالكلام الكبير والكلام الجامد...وكمان عجبنى اوى الحقائق ال انتى قولتيها فعلا بيحصل كدا احيانا بيكونو بلطجيه فى الانتخابات وهههههههههه بيكونو كفار فى المسلسلات الدينيه وبكرر شكر لادائك الراقى والجميل وتعبيراتك الرائعه بدون ماتخدشى حياء الموضوع....وفى النهايه بتمنالك كل التوفيق ويارب دايما فى تألق .............................................................................................................عمرو الشيخ
والسلام عليكم ورحمه الله وبركاته

مرسى ليك ياعمرو وعلى كلامك الجميل ده ودايما بترفع من روحى المعنويا